ՆԻԿՈԼԸ ԵՒ ՍՅՈՒՆԻՔԸ

«Երկիր Ծիրանի» կուսակցության նախագահ Զարուհի Փոստանջյանը իր ֆեյսբուքյան էջում գրում է.

Նիկոլը և Սյունիքը

Մեջբերում`«հերթական արտերկրյա պատվիրակին կտանի կկանգնեցնի Սիսիանի դիք-դիք քարերի գլխին, ֆրեզերնի ստանոկով ծակած քարերը ցույց կտա ու կասի` սա 8 չէ, 10 հազար տարվա հնության աստղադիտարան է... Այ ախպեր ջան, ախր Սթոուն-հենջի ամենափոքր քարը այստեղի ամենամեծ քարից երեք անգամ մեծ է…»:

Նիկոլ Փաշինյան՝ «Հայկական ժամանակ» օրաթերթ, հետագայում՝ «Երկրի հակառակ կողմը» գիրք, 76 էջ

Երբ մարդը չգիտի իր երկրի իսկական կողմը, նա չգիտի ինչ է ՀԱՅՐԵՆԻՔԸ:

Քաղաքային մշակույթից և մայրական դաստիարակությունից զուրկ, համալսարանի դասերից փախած, կիսագրագետ Նիկոլի կողմից վերը նշված` «ֆրեզերնի ստանոկով ծակած» բառերը Արքմենիկ Նիկողոսյանը՝ «Երկրի հակառակ կողմը» գրքի խմբագիրը, հանել է, հավանաբար հասկանալով, որ կիսագրագետի ծաղրը Քարահունջի աստղագիտական պատմամշակույթային հուշարձանի նկատմաբ, վկայությունն է նրա անգրագիտության:

Որպեսզի հասկանանք Նիկոլի օրակարգը, նրա անգրագիտության, ջղաձգության և ստախոսության աստիճանը, պետք իմանանք նրա պատկերացումները, օրինակ ՀԱՅՐԵՆԻՔԻ՝ ՍՅՈՒՆՅԱՑ նահանգի, պատմամշակույթային ժառանգության վերաբերյալ:

Կիսագրագետ և գեղցի Նիկոլը ի՞նչ իմանա, որ Քարահունջի աստղադիտարան համալիրը օգտագործվել է գիշերային երկինքը ուսումնասիրելու նպատակով: Նա ի՞նչ իմանա, որ Քարահունջի մենհիրների` «դիք-դիք քարերից» 84-ի վրա «աչքի անցքեր» կան, որ մենհիրները աստղադիտական գործիքներ են, որոնք նայողի հայացքն ուղղորդում են դեպի որոշակի կետերի` հորիզոնում և երկնքում։

Ինչո՞ւ էր Նիկոլը թշնամու հետ բանավոր պայմանավորվում Սյունյաց նահանգի սահմանները վերագծելու հարցում:

Փողապաշտ է, փողապաշտ Նիկոլը, բացի այդ՝ անազգ և անհայրենիք:

Սիսիան քաղաքի մոտակայքում գտնվող Քարահունջի հուշարձանի առեղծվածային էությունը և նշանակությունը արժեքավոր են այն իմացողի և այդ արժեքները կրողի համար:

Խղճուկ և թերուս Նիկոլ, գովում ես Բրիտանական Սթոուն-հենջը, ծաղրելով Քարահունջը:

Վիժվածք, Սթոուն-հենջ սրբավայրը մի քանի հազար տարի երիտասարդ է, քան Քարահունջը: Երկուսն էլ կառուցված են օղակաձև:

Նիկո՛լ, եթե հայկական շուրջպարի ներդաշնակությունը` համաչափ շարժումների միջոցով ոգու լիցքավորումը զգայիր, կգիտակցեիր հայերի՝ ՀԱՅՐԵՆԻՔ ունենալու հավերժությունը:

Հայկական շուրջպարը և Հայկական պար լեռնաշղթան հայի համար հավերժ արժեքներ են, Հայի համար անվերջ էներգիայի աղբյուր:

Մեր Քարահունջի հինավուրց լինելը և այն կյանքով պաշտպանելու հայոց կամքը անկոտրուն է:

Նիկո՛լ, մեկ է կանգնելու ես դատի և դատաստանի առջև: